「家」可以指屬於一個家庭嘅私人空間，亦都可以係由鄰里同埋朋友組成嘅社區，唔知你心目中嘅家又係點㗎呢？
喺2月尾週末，由「明愛青少年及社區服務 X 明愛荃灣廳堂」主辦嘅《劏•家是⋯》展覽，除咗會展出練黑龍 @dark.kenjamin、Jason Tommy @jason_tommy等本地藝術家以「家」為主題嘅畫作之外，同場亦會有由藝術家s聯同多位荃灣區嘅街坊共同創作嘅裝置藝術，希望大家細味完呢啲由多個家、唔同人組成嘅作品，可以同我哋一齊透過互動投票同埋工作坊，探索「家」嘅唔同可能性！